«Միքայելյան» համալսարանական հիվանդանոցի Ինֆեկցիոն կլինիկայի բժիշկներ Ալվարդ Հովհաննիսյանը, Լիլիթ Առաքելյանը և Տաթև Բաղդասարյանը ապրիլի 17-21-ը Մյունխենում մասնակցել են Ինֆեկցիոնիստների և կլինիկական միկրոբիոլոգների եվրոպական միության համաժողովին՝ ESCMID Global 2026-ին։

Բժիշկները ներկայացրել են ինֆեկցիոնիստների և ուրոլոգների՝ ի դեմս Նաիրի Մելքոնյանի, համատեղ աշխատանքի արդյունքները՝ բրուցելյոզի հազվադեպ հանդիպող բարդության՝ տեստիկուլյար աբսցեսի վերաբերյալ։ Պոստերային պրեզենտացիան մեծ հետաքրքրություն է առաջացրել համաժողովի մասնակիցների շրջանում։